繼續同史友們介紹世界各地最新嘅考古發現，同佛像有關嘅考古發現往往都只能夠喺印度以及中國等國家發現得到，但大家又有冇幻想過埃及都有可能會有佛像出土？
近日埃及旅遊及古物部就宣佈，喺當地紅海西岸一個古代港口城市貝雷尼斯（Berenice）就發現到一尊佛像。佛像整體就有71公分高，但身體咗右半部分就已經缺失，但整體造型仍然可以見到係背部帶有光環照耀，側面有蓮花雕刻，造型係相當精美。
咁到底點解喺埃及竟然會有佛像嘅文物出現？考古團隊就推斷，由於貝雷尼斯係羅馬帝國時期埃及最大一個港口，不時都有會裝有辛香料、寶石象牙以及紡織品等等嘅印度船隻嚟到呢度，所以估計佛像就係隨當時嘅船隻而嚟，呢個發現亦都代住羅馬帝國時期埃及與印度貿易嘅重要標誌。
原圖嚟自網絡